好多時照顧者都會用飲食表達對家人嘅愛，擔心佢哋唔夠營養，希望佢哋可以「食多啲」。但老友記又因為各種原因而「食唔落」，形成拉鋸，令雙方關係反而變得更差！

註冊營養師朱凱彥提醒，老友記唔夠營養的確有機會加速衰「腦」，但強逼老友記進食會適得其反，容易感到壓力，形成惡性循環。其實「一餐飯」唔一定要「三餸一湯、白飯任裝」，#重質不重量 更重要！

照顧者可以考慮健康飲食法，例如連續六年由《美國新聞與世界報導》票選出年度最佳飲食嘅 #地中海飲食 — 每餐包含特定營養例如奧米加3脂肪酸、維他命、抗氧化物等。除咗可以保護心血管健康，更有助延緩腦衰退！

營養不良有機會加劇認知能力變差，所以要多留意老友記體重有無下降。註冊營養師建議，如果老友記日常飲食未達標，可以飲有醫學實證嘅養腦營養補充飲品，吸收難以單從日常飲食攝取嘅養腦營養。飲食嘅壓力減少，食得輕鬆，又可以同時養腦，減慢腦萎縮。

(資料由註冊營養師提供)